بسم الله الرحمن الرحيم
السلام عليكم ورحمة الله وبركاته
اليوم شفت في مدونة كرادوو تشاان
تحويل للواجب الي حلته
المهم هي حولته لكم بنت ومن بينهم أنا ^^"
يلا ما أطول عليكم أحل الواجب
1- اذكر اسم من طلب منك حل هذا الواجب
كرادوو تشاان ^^
2- تحدث عن ستة أسرار قد لا يكتشفها من يقابلك للمرة الأولى
1-الي يفتح النور وأنا نايمة بالليل ماعاد هو لأهله
2-إذا عصبت ماعاد أعرف مين الي قدامي عدو والا صديق
3-أحب أقرا المانجا أكثر من متابة الأنمي
4-الي يشوفني يقول هاذي بريئة ومسكينه بس أنا مو لهالدرجة
5-أحب الطبخ بس ما أطبخ ^^"
6-أكر وحدة تاكل بالبيت ^^"
3- حول هذا الواجب إلى ستة مدونين ، واذكر أسماءهم مع روابط مدوناتهم في موضوع
4- اترك تعليقاً في مدونة من حولت الواجب إليهم ، ليعلموا عن هذا الواجب
اوكي مع إن الي أعرفهم تقريبا حلو الواجب وحولت لهم الواجبات ^^"
بسم الله الرحمن الرحيم
السلام عليكم ورحمة الله وبركاته
اليوم حبيت أنزل بعض التصاميم الي عندي بالجهاز
مع غنها بسيطة
بس حبيت أشارككم فيها
هذا له سالفة لما كانت
صديقتي صاحبة الأرانب مشرفة في أحد المنتديات المخيسة
وسوت مسابقة تصميم
فشاركن علشان ما ينكسر خاطرها
ضد 1 أو 2 على ما أعتقد
وفزت انا بمجموع تصويتات عددها 2
هههههههههههههههههههههههههههههههههههه
موب شي يضحك
وهاذي بعض البطاقات
وبس لليوم ^^
بسم الله الرحمن الرحيم
السلام عليكم ورحمة الله وبركاته
كيفكم إن شاء الله بخير ^^
اليوم حبيت أوريكم شي من أعمالي الجديدة
هو شوي قديم بس ما كان عندي وقت أنزله
وبما إنه عندي أوف الى يوم الثلاثاء
فعنديي وقت وش طووله علشان أذاكر ^^"
المهم
أنا سويت لنظارتي بقشة أو مدري وش إسمها
المهم مكان أحط فيه نظارتي ^^
وحطيت عليه تشيشار نيكو من باندورا هارتس
المهم شوفو هاذي شوي صور لتشيشار نيكو
من غلاف المجلد الرابع معه بريك
وهاذي الصورة من فهرس الملجد الخامس
وهاذي صورة من رسم المانجاكا من المجلد السادس
وأخيرا غلاف الملجد الثامن
أترككم مع ماي تشيشار
أنتظر أرائكم وانتقاداتكم
والسلام عليكم
بسم الله الرحمن الرحيم
اهيي اهييي اهيييي
بكرا يوم الأحد
8/7/1431 هـ
الموافق
20/6/2010 م
يتم شهر على ذكرى مقتل أرنبي العزيز
المهم خلوني أقولكم السالفة وما فيها إن صديقتي
شروا أخوانها الصغار أرنبين صغيرات
وأمها ما تحب الحيوانات داخل البيت فقامت تهوش
وصديقتي مخشها أرنب وصار لها ردة فعل ضد الأرانب
فقامت تنشر إعلانات عن نقل الكفالة من عندهم
فلما سمعت عن السلفة طرت من الفرحة مع إني أعرف
إن أمي عدوها الحيوانات في البيت وخاصة ذوات الفراء
يعني يمكن توافق على الببغاء
المهم طلبت نقل الكفالة وكتبت أنا وصديقتي وصديقتي الثانية العقد
ووقعنا
وهاذي صورة العقد
بس صديقتي الي كتبت العقد ما وقعت ما أمداها وبعد
ويااديينهم بسسس يجننوووون
طبعا أنا ما قلت لأمي ^^" لاني كنت أعرف إنها راح ترفض
ففكرت إني أفاجئها >>عسى بس ما تلختس
المهم أخذت أنا الأرنب الأسود وسميته أليس >>على أليس في باندورا هارتس ^^
وأختي الكبيرة أخذت الأرنب الأبيض وسمته شيرو لان شيرو تعني أبيض بالياباني
وإستاانسناااا مررررررره معهم
إييه صح نسيت أقول موقف أمي
لما شافت الأرانب قالت :طلعيهم برا وووع >>تبي تكرهني فيهم علشان أطلعهم
وكملت تقول قبل حتى ما أتكلم: يحلييلهم
المهم يالموت وافقت عليهم
وتقول لنا كل ما شفتنا بنوديهم المزرعة تفهمون
وحنا نقول إييه إييه بسننا مسبوهين مع هالأرانب
وأخوي الصغير معسكر بغرفتي من جبناهم ويقول:يا حليله أليس ررره حلو
المهم بنينا لهم بيت من كراتين
ولما جا الليل دخلناهم غرفة الطعام وقفلنا عليهم
إن أخوي الصغير الله يصلحة ما يخلي شي ما يفسدة فخفنا عليهم يموتون
ولما جا بكرا الصبح قبل ما أروح الجامعة طلعتهم الفجر معي بالحوش ومعي إختي الكبيرة >>أم شيرو
ولعبناهم شوي بعدين دخلناهم في بيتهم وجا أخوي المفسد كل شوي يشوفهم بعدين
يروح >>شكله ياخذ فكرة عن أشكالهم
المهم رقيت فوق أتقهوى مع أمي وأبوي
على فكرة كان علي إمتحان في هذا اليوم
المهم كانت أم شيرو بالمطبخ تسوي لها كفي >>لأنها اليوم عندها أوف
المهم طلع دحوم >>الولد المفسد من باب المطبخ الخارجي
إختي الكبيرة لما شافته حست بشي إتجاهه
فلحقته ويوم وصلت لما وراه يرمي أليس على الجيران
لحظة صمت
يعني وش أقوى من هذا ألييي طااح من فوق الجدار على الجيران ><
إنهبلت إنختي ورقت بسرعة وفجعتنا بالخبر الؤسف
لما سمعت عن الخبر إنجنييت وقلت لااازم نكلم الجيران و...و..............
المهم أبوي قال روحي الجامعة بس قبل ما يفوت إمتحانك
المهم دقت أم شيرو على الجيران وملخص المحادثة
أم شيرو : ألوو السلام عليكم
أم الجيران بقلق : وعليكم السلام عسى ماشر وراكم داقين هالوقت؟
أم شيرو: أبد الحمد لله ما فينا شي إلا أقول عندكم أرنب؟
أم الجيران بتعجب مبالغ : أرنب !؟
أم شيرو : إيه أرنب صغير
أم الجيران ما إستوعبت:لعبة؟
أم شيرو :لا لو لعبة ما دقينا بهالوقت
المهم أم الجيران الله يعافيها مسيكينه ما جسرت تطلع للحوش
تخاف تشوف الأرنب منفلش فقالت لأم شيرو تجي تاخذة
وراحت تفتح لها الباب
بس شكله طاح على ظرسه وانكسر
المهم أنا جتني اختي الكبيرة الثانية >>معيدة في نفس الجامعة
تبشرني إن أليس على قيد الحياة
اييه صح ما قلت موقف صديقتي لما قلت لها الخبر
هاااوشتنيي بقووووة وهي تقول ما أمدا اليوم هو أول يوم لهم بعد نقل الكفالة
المهم نعود الى محور حديثنا يوم لقينا أليس
لما رجعت البيت خميييييته بكل قوتي شوي وأصيح عليه
بعدين لاحظت شي هو إن الأرنب ما يمخش
فصارت أم شيرو وأختي الصغيرة مقصصين أظافرهم وأخذين لهم شور
المهم جلسته عندي ولبسته شريطة حمرا وجرس أصفر ^^
ووكلته بقدونس وجزر والي يبي
بس يا قليبي كان ظرسه منكسر ولا إشتها ياكل
المهم إستمرينا تقريبا حول أربع أو 3 أيام
قضينا فيها أسعد أيامنا مع الأرانب
وجاء يوم الإربعاء
الموافق 7/6/1431هـ
طلعت أم شيرو العصر تسوي رياضة
وأخذت معها شيرو الملقوف واليس الهويجد
ولعبتهم
فجأة أمي قالت تعالو بسرعة خالكم بيجي يودرنا لم جمعة خوالي
>>نظرا لأن أبوي مشغول ولأن أكبر أخواني بزر ولا يسوق
فلما جت أم شيرو بتدخلهم
قالت امي خليهم مسكينات بالحوش >>عى أساس الفطرة وإنهم يحبون التراب أكثر من الكرتون
وإن الجيران ذوليك البعيدين مصققين شجرهم
فهذا يعني ما فيه قطاوة تاكل ارانبنا الجميلة
وطلعنا من البيت واستانسنا
ورجعنا بعد الساعة 12 باليل فما حاولنا ندور الأرانب علشان الحشرات كثر في الليل
ونمنا وجا بكرا يوم الخميس
الموافق8/6/1431 هـ
طلعت أنا وأم شيرو الصبح ندورهم فلما جلست على الأرض لمحت من تحت وحدة من الشجر
فراء حيوان فناديت إختي قلت تعاالي هذااهم لقيتهم
بس لما دققتعليهم شوي كأنه الأرنب الي لقيته كبر وتغير لونه وصار فيه شوووي أورنج
فصرخت ومسكت العصى ولحقتها بس هجت ورقت فوق الجدار ><
فسمعت صرخة أم شيرو ورحت بسرعة
وكانت فاجعتي أن رأيت أليس وتلك الجريمة النكراء
كانت القطوة قاطعة رقبته ومغطيته هي ووجهها بأوراق الشجر
علشان ترجع تكمله بعدين
وبعد فترة قصيرة من رمي أرنبي في الزبالة دورنا شيرو ولا لقيناه
قلنا أكيد أكلته كله والا أخذته لأولادها
ويوم جا الظهر تقريبا
صرخت أختي الكبيرة وهي تقول :شوفو دحووووم معه أرنب
من هول الصدمة نزلنا لكنا تحت نركض معه الدرج
فلقينا دحوم وهو يرمي الأرنب فوق احد رفوف المكتبه
المهم شفنا شيرو للأسف يلفظ أخر أنفاسه أمامنا
كانشيرو متخبي في مكان بالحوش
وقام دحوم بيسوي فيها منقذ ويطلعه من المكان الي هو فيه
فجاب عصى المكنسه ونخجه لين طلعت روحة وبعدين طلعه لنا
وهذي هي مجمل القصة والسالفة بما فيها من كل شي
المهم أترككم مع صور أليس
وراح أحاول مرة ثانية أنزل صور شيرو
دوزو
إضغطوا على الصورة لرؤيتها بالحجم الطبيعي
والسلام عليكم
بسم الله الرحمن الرحيم
السلام عليكم ورحمة الله وبركاته
اليوم حبيت أنزل رسمة من رسمي
والمضمون
سباستيان من كوروشيتسوجي
كيااااااااااااااااااااااا
يا نااس هذا اللي ما ادري وشو
سباستيان واحد ن أفضل الشخصيات الي أحبها
المهم احس إني طولت عليكم
مينا سان دوزو
إن شاء الله تكون الرسمة أعجبتكم
.png)













.jpg)
.jpg)









